Смеццевыя войны

«Прачнуўся – прыбяры сваю планету» — раіў нам Маленькі Прынц. Антуан дэ Сэнт-Экзюперы прадыктаваў новы лозунг. Лозунг  чыстай прыроды і навакольнага асяроддзя. Можна вінаваціць каго заўгодна, але ў першую чаргу варта звярнуць увагу на сябе. Экалогія ў бяспекі — а ты ўсё працягваеш смяціць. Спыніся!

Калі нашы продкі жылі ў каменным, жалезным і бронзавым стагоддзі, то наш час можна спакойна назваць эрай пластыка. І сапраўды, куды не кінь погляд — усюды яна: пагнутыя, з вечкамі або без, парэзаныя альбо цэлыя бутэлькі, аднаразовыя талеркі са шкляначкамі і інш. Але гэта толькі пластык, а колькі яшчэ смяцця пакідае пасля сябе чалавек? І чым больш застаешся абыякавым, тым больш смецця «вырастае»: на кожную пакінутую рэч, адшукаецца побач яшчэ адна і г. д.

Маладзёвая суполка «Пачні з сябе» пачала сапраўдную смеццявую вайну. Экалагічны праект, які ўжо не першы год праходзіць у Мазыры, прыносіць свае плады. І вось ужо напрыканцы красавіка адбылося першае «сутыкненне» у гэтым годзе, першая ўборка. У нядзельны гарачы дзень, на валанцёрскай ўборцы смецця 2012 сабраліся маладыя людзі з пальчаткамі і смеццевымі пакетамі, што ўжо выклікала нейкае здзіўленне на тварах мінакоў. «Абаронцы прыроды», у складзе адзінаццаці чалавек (я разам з імі), адправіліся ў бой. Я шмат разоў быў на суботніках, але праходзілі яны з прымусам і нежаданнем. Але самому, па сваёй волі, яшчэ не даводзілася — гэта быў мой першы «бой». З пакетам у руцэ і вялікам жаданнем знішчыць як мага больш «ворагаў», я прыступіў. Не ведаю колькі прайшло часу, але я не стаміўся і жаданне спыніцца не ўзнікала.   Наша тэрыторыя пашыралася, «фронт баёў»  пераносіўся на ўсё новыя ўчасткі, якія хутка высвабаждаліся ад смецця. Некаторыя мінакі адважыліся нават дапамагчы нам: выносілі пакеты, а іншыя проста выказвалі падзяку  ці настайвалі на тым, каб пра нас напісалі ў газеце.

???????????????????????

Але гэта праца, дзе не патрэбна ні піару, ні славы, гэта — прамы абавязак кожнага — сачыць за чысцінёй.

???????????????????????

 

А пасля ўборкі было прыемна глядзець на зялёны і чысты дыван прыроды. Прырода дзякавала кожнаму, хто дапамог ёй, і падзякуе таму, хто яшчэ дапаможа.  Намі было сабрана 73 пакета — вось яшчэ адна перомога ў «смеццевай вайне». Peace усім Green і дзякуй тым, хто застаецца неабыякавым!